AQSh kongresiniń ókilder palatasy Túrkiiaǵa sanktsiia salýdy maquldady. Ókilder palatasy prezident Donald Trampty Túrkiianyń Siriia soltústiginde kúrdterge qarsy jasaǵan áskeri operatsiiasyna bailanysty shekteý qoiýǵa shaqyrdy.
Rezoliýtsiiany palatanyń basym bóligi qoldady, olardyń arasynda respýblikashyldar da bar. Degenmen Hill basylymynyń jazýynsha, jańa sanktsiiany senattyń qoldai qoiýy ekitalai. Senat músheleri buǵan deiin AQSh-tyń NATO boiynsha odaqtasyna mundai shara qoldanýdyń qaýpi jaily eskertken.
Osydan shamamen eki apta buryn Tramp Túrkiiaǵa shekteý qoiǵan, biraq Ankara áskeri operatsiiany toqtatýǵa keliskennen keiin alyp tastaǵan.
Túrkiianyń syrtqy ister ministrligi buǵan deiin AQSh áreketin aiyptaǵan. Osy apta basynda ókilder palatasy Osman imperiiasy kezindegi armiandar qyrǵynyn genotsid dep tanyǵan. Túrkiia muny "saiasi maqsatqa jetý úshin tarihty paidalanýǵa tyrysý" dep atady.
