اقش كونگرەسٸنٸڭ ٶكٸلدەر پالاتاسى تٷركيياعا سانكتسييا سالۋدى ماقۇلدادى. ٶكٸلدەر پالاتاسى پرەزيدەنت دونالد ترامپتى تٷركييانىڭ سيرييا سولتٷستٸگٸندە كٷردتەرگە قارسى جاساعان ەسكەري وپەراتسيياسىنا بايلانىستى شەكتەۋ قويۋعا شاقىردى.
رەزوليۋتسييانى پالاتانىڭ باسىم بٶلٸگٸ قولدادى, ولاردىڭ اراسىندا رەسپۋبليكاشىلدار دا بار. دەگەنمەن Hill باسىلىمىنىڭ جازۋىنشا, جاڭا سانكتسييانى سەناتتىڭ قولداي قويۋى ەكٸتالاي. سەنات مٷشەلەرٸ بۇعان دەيٸن اقش-تىڭ ناتو بويىنشا وداقتاسىنا مۇنداي شارا قولدانۋدىڭ قاۋپٸ جايلى ەسكەرتكەن.
وسىدان شامامەن ەكٸ اپتا بۇرىن ترامپ تٷركيياعا شەكتەۋ قويعان, بٸراق انكارا ەسكەري وپەراتسييانى توقتاتۋعا كەلٸسكەننەن كەيٸن الىپ تاستاعان.
تٷركييانىڭ سىرتقى ٸستەر مينيسترلٸگٸ بۇعان دەيٸن اقش ەرەكەتٸن ايىپتاعان. وسى اپتا باسىندا ٶكٸلدەر پالاتاسى وسمان يمپەريياسى كەزٸندەگٸ ارمياندار قىرعىنىن گەنوتسيد دەپ تانىعان. تٷركييا مۇنى "ساياسي ماقساتقا جەتۋ ٷشٸن تاريحتى پايدالانۋعا تىرىسۋ" دەپ اتادى.
