AQSh kongresi 27 mamyrda Shyńjańdaǵy az ult ókilderin qýdalaýǵa atsalysqan Qytaidyń joǵary laýazymdy sheneýnikterine sanktsiia salýǵa múmkindik beretin zań jobasyn maquldady, dep habarlaidy Azattyq.
Ekipartiialyq zań jobasy Qytaida uiǵyr, qazaq jáne ózge de musylmandardyń qýdalanýyna jaýapty sheneýnikterge sanktsiia salýdy qarastyrady. Buǵan qosa, adam quqyǵynyń buzylýyna septesetin taýarlardyń eksporttalýyna birqatar shekteý qoiady.
"Pekinniń uiǵyr halqyna jasap otyrǵan varvarlyq áreketin álem halqynyń ujymdyq ar-namysyn qorlaý dep baǵalaýǵa bolady" dedi ókilder palatasynyń spikeri Nensi Pelosi.
Respýblikashyl-kongressmen, Qytai boiynsha jumys tobynyń tóraǵasy Maikl Makkol Shyńjańdaǵy jaǵdaidy "mádeni genotsid" dep atady.
Zań jobasyn zań shyǵarý organynyń 413 múshesi qoldap daýys bergen, 1 adam qarsy bolǵan. Endi qujat Trampqa qol qoiýǵa jiberiledi.
Osy apta basynda AQSh prezidenti Donald Tramp qujatty "óte muqiiat qaraitynyn" málimdegen. Vashington Pekinniń Gonkong erkindigin shekteý josparyna bailanysty shara qoldanýdy da qarastyryp otyr.
Qytai Shyńjańda lagerler ashyp, oǵan uiǵyrlar, qazaqtar jáne basqa da musylmandardy qamap jatqany jaily aqparat 2017 jyly tarai bastaǵan. Pekin basynda lagerlerdiń baryn joqqa shyǵaryp, keiin bul jerlerdi "terrorizm men ekstremizmmen kúresetin jáne kásip úiretetin ortalyq" dep sipattaǵan. 2018 jyly BUU "Shyńjańdaǵy lagerlerde bir millionǵa jýyq uiǵyr, qazaq jáne basqa da musylman otyr" dep málimdegen. Qytai "ishki isine aralasqan" AQSh-tyń kez kelgen áreketine jaýap beretinin aitqan.
