Qyzylordada aldaǵy úsh jylda 1,9 trln teńgeniń 48 investitsiialyq jobasy júzege asady Qyzylordada aldaǵy úsh jylda 1,9 trln teńgeniń 48 investitsiialyq jobasy júzege asady Prezident Pavlodar oblysynda jańa áýejai ashý máselesin pysyqtaýdy tapsyrdy Prezident Pavlodar oblysynda jańa áýejai ashý máselesin pysyqtaýdy tapsyrdy
Saiasat

AQSh kemi 50 myń aýǵandy panalatpaq

Ult portaly
AQSh kemi 50 myń aýǵandy panalatpaq


AQSh Aýǵanstandaǵy soǵys kezinde amerikalyq áskerge qyzmet etken aýǵan azamattarynyń kemi 50 myńyn panalatpaq. Bul týraly AQSh Ishki qaýipsizdik departamentiniń basshysy málimdedi, dep jazady Azattyq.

Ondaǵan myń aýǵan AQSh-qa jetip úlgergen. Olar qaýipsizdik tekseristerinen ótip, eldiń áskeri bazalaryna jaiǵastyrylǵan. Qazir olarǵa meditsinalyq qyzmet pen migratsiia qujattaryn tapsyrýda kómek kórsetilip jatyr.

Málimdemesin 3 qyrkúiek kúni jasaǵan Ishki qaýipsizdik departamentiniń hatshysy Alehandro Maiorkas taǵy qansha aýǵan keletinin, evakýatsiia qanshalyq uzaq jalǵasatynyn naqtylamady.

Onyń sózinshe, evakýatsiialanǵan aýǵandardyń keibiri tranzit elderinde qalyp qoiǵan, oǵan ol azamattar týraly "beiádep aqparattyń" anyqtalýy sebep bolǵan. Mekeme basshysy odan ári naqty aqparat aitpady.

Qazir Aýǵanstannan evakýatsiialanǵan azamattardyń bir bóligi - Germaniia, Ispaniia, Kýveit, Katar sekildi tranzit elderinde. Qaýipsizdik tekserisinen ótpegenderine ne bolatyny belgisiz.

Tálipter Aýǵanstandy baqylaýyna alǵaly bastalǵan evakýatsiia operatsiiasy kezinde AQSh Kabýl áýejaiynan 120 myńnan astam adamdy alyp ketken. Olardyń ishinde óz azamattary men AQSh-qa qandai da bir qyzmet etken aýǵan azamattary bar. Evakýatsiia operatsiiasy 31 tamyz kúni aiaqtalǵanymen, "Taliban" (Qazaqstanda tyiym salynǵan uiym) vizasy barlar elden odan keiin de kete alatynyn aitqan.

AQSh-qa qonystanýdy josparlap otyrǵandarǵa AQSh úkimetiniń arnaiy vizasy beriledi. Ol viza aýǵan soǵysy kezinde AQSh pen NATO kúshterine qyzmet etken, tálipter biligi tusynda ómirine qaýip tóngen aýǵan azamattaryna arnalǵan.

"Elimizge qyzmet etkenderdi qoldaýǵa, qorǵaýǵa mindettimiz" dedi Ishki qaýipsizdik departamentiniń hatshysy. Maiorkastyń ózi de AQSh-qa bala kezinde bosqyn bolyp kelgen.

Oqi otyryńyz