اقش اۋعانستانداعى سوعىس كەزٸندە امەريكالىق ەسكەرگە قىزمەت ەتكەن اۋعان ازاماتتارىنىڭ كەمٸ 50 مىڭىن پانالاتپاق. بۇل تۋرالى اقش ٸشكٸ قاۋٸپسٸزدٸك دەپارتامەنتٸنٸڭ باسشىسى مەلٸمدەدٸ, دەپ جازادى ازاتتىق.
ونداعان مىڭ اۋعان اقش-قا جەتٸپ ٷلگەرگەن. ولار قاۋٸپسٸزدٸك تەكسەرٸستەرٸنەن ٶتٸپ, ەلدٸڭ ەسكەري بازالارىنا جايعاستىرىلعان. قازٸر ولارعا مەديتسينالىق قىزمەت پەن ميگراتسييا قۇجاتتارىن تاپسىرۋدا كٶمەك كٶرسەتٸلٸپ جاتىر.
مەلٸمدەمەسٸن 3 قىركٷيەك كٷنٸ جاساعان ٸشكٸ قاۋٸپسٸزدٸك دەپارتامەنتٸنٸڭ حاتشىسى الەحاندرو مايوركاس تاعى قانشا اۋعان كەلەتٸنٸن, ەۆاكۋاتسييا قانشالىق ۇزاق جالعاساتىنىن ناقتىلامادى.
ونىڭ سٶزٸنشە, ەۆاكۋاتسييالانعان اۋعانداردىڭ كەيبٸرٸ ترانزيت ەلدەرٸندە قالىپ قويعان, وعان ول ازاماتتار تۋرالى "بەيەدەپ اقپاراتتىڭ" انىقتالۋى سەبەپ بولعان. مەكەمە باسشىسى ودان ەرٸ ناقتى اقپارات ايتپادى.
"ەلٸمٸزگە قىزمەت ەتكەندەردٸ قولداۋعا, قورعاۋعا مٸندەتتٸمٸز" دەدٸ ٸشكٸ قاۋٸپسٸزدٸك دەپارتامەنتٸنٸڭ حاتشىسى. مايوركاستىڭ ٶزٸ دە اقش-قا بالا كەزٸندە بوسقىن بولىپ كەلگەن.
