AQSh úkimeti AQSh halyqaralyq damý jónindegi agenttigi (USAID) arqyly Qazaqstanǵa Covid-19 indetimen kúreske kómektesý maqsatynda 2,4 million dollar bóletinin jariialady. Bul aqparatty AQSh-tyń Qazaqstandaǵy elshiligi taratty, dep habarlaidy Azattyq radiosy.
AQSh elshiliginiń málimetinshe, bul kómek naqty jaǵdailarǵa qarai vaktsina bólý, vaktsina týraly jalǵan aqparattarmen kúresý, koronavirýsqa qarsy zerthanalardy kúsheitý, Qazaqstannyń vaktsinalardy jetkizý jáne paidalaný deńgeiin kóterý úshin beriledi.
-Qazaqstanǵa koronavirýs indeti bastalǵaly 6,8 million dollar kómek berildi, bul qarjy soǵan qosylady,- deidi AQSh elshiligi.
Elshilik taratqan aqparatqa qaraǵanda, AQSh Qazaqstanǵa 2 milliard dollar, sonyń ishinde týberkýlez ben SPID-tiń aldyn alý, kúresý sekildi densaýlyq saqtaý baǵdarlamalaryn qoldaýǵa 92,8 million dollardan astam qarajat bólgen.
