اقش ٷكٸمەتٸ اقش حالىقارالىق دامۋ جٶنٸندەگٸ اگەنتتٸگٸ (USAID) ارقىلى قازاقستانعا Covid-19 ٸندەتٸمەن كٷرەسكە كٶمەكتەسۋ ماقساتىندا 2,4 ميلليون دوللار بٶلەتٸنٸن جارييالادى. بۇل اقپاراتتى اقش-تىڭ قازاقستانداعى ەلشٸلٸگٸ تاراتتى, دەپ حابارلايدى ازاتتىق راديوسى.
اقش ەلشٸلٸگٸنٸڭ مەلٸمەتٸنشە, بۇل كٶمەك ناقتى جاعدايلارعا قاراي ۆاكتسينا بٶلۋ, ۆاكتسينا تۋرالى جالعان اقپاراتتارمەن كٷرەسۋ, كوروناۆيرۋسقا قارسى زەرتحانالاردى كٷشەيتۋ, قازاقستاننىڭ ۆاكتسينالاردى جەتكٸزۋ جەنە پايدالانۋ دەڭگەيٸن كٶتەرۋ ٷشٸن بەرٸلەدٸ.
-قازاقستانعا كوروناۆيرۋس ٸندەتٸ باستالعالى 6,8 ميلليون دوللار كٶمەك بەرٸلدٸ, بۇل قارجى سوعان قوسىلادى,- دەيدٸ اقش ەلشٸلٸگٸ.
ەلشٸلٸك تاراتقان اقپاراتقا قاراعاندا, اقش قازاقستانعا 2 ميلليارد دوللار, سونىڭ ٸشٸندە تۋبەركۋلەز بەن سپيد-تٸڭ الدىن الۋ, كٷرەسۋ سەكٸلدٸ دەنساۋلىق ساقتاۋ باعدارلامالارىن قولداۋعا 92,8 ميلليون دوللاردان استام قاراجات بٶلگەن.
