Amerika Qurama Shtattary Qazaqstandaǵy prezident sailaýyn asyǵa kútedi jáne sailaýdyń ádil ótýin baqylaidy. Bul týraly AQSh-tyń Qazaqstandaǵy ýaqytsha senimdi ókili Djýdi Kýo habarlady, dep habarlaidy QazAqparat.
«Biz Qazaqstan Prezidenti Qasym-Jomart Toqaevtyń Joldaýyn muqiiat tyńdadyq jáne onyń órshil bastamalary men reformalaryn qoldaimyz. Elde prezident sailaýy ótetinin estý biz úshin óte qyzyq boldy. Biz bul sailaýdy asyǵa kútemiz jáne onyń ádil ótýin qadaǵalaimyz. AQSh 30 jyl boiy Qazaqstannyń senimdi seriktesi bolǵanyn jáne jaqyn dos pen seriktes retinde Qazaqstannyń táýelsizdigi men aýmaqtyq tutastyǵyn árdaiym qoldap kelgenin aita keteiin. Biz reformalar jolynda Qazaqstanǵa qajetti qoldaýdy usynýǵa daiynbyz», - dedi AQSh-tyń Qazaqstandaǵy ýaqytsha senimdi ókili.
Djýdi Kýo AQSh-tyń túrli baǵdarlamalar arqyly Qazaqstandy qoldaityn kóptegen tetikter bar ekenin atap ótti. Iaǵni, qorǵanys jáne basqa da ónerkásip sektorlarynda kómektiń tolyq spektri bar.
Aita keteiik, búgin Memleket basshysy Parlament palatalarynyń birlesken otyrysynda Qazaqstan halqyna Joldaýyn jariialady.
Joldaýdyń negizgi bóligi elimizdiń áleýmettik-ekonomikalyq damýyna arnalǵan.
