Venesýelanyń jańa sailanǵan prezidenti Nikolas Madýro Euronews-ke bergen suhbatynda AQSh jibergen gýmanitarlyq kómek ýlanǵanyn jáne ony paidalaný jaramsyz ekenin aitty, dep habarlaidy Baq.kz agenttigi.
Madýranyń aitýynsha, Kolýmbiiadaǵy onyń derekkózderi kelgen kómek buzylǵan jáne ýlanǵanyn habarlaǵan.
«Azyq-túlik kantserogendi himiialyq elementtermen búlingen. Olar tiisti baqylaýdan óte almaǵan. Sodan keiin azyq-túlikter Kolýmbiianyń ózinde tamaqtan ýlaný jaǵdaiyna ákep soqty», - dedi prezident.
Onyń sózine qaraǵanda, AQSh pen Venesýelanyń oppozitsiiasy eldi qorlaý úshin turǵyndarǵa gýmanitarlyq kómek berip otyr. Sondyqtan Madýro ýlanyp qalýdan qorqyp, eline gýmanitarlyq azyq-túlikti kirgizbei otyr.
Ol Venesýelanyń eshqandai memlekettiń kómegine muqtaj emes ekenin aitty. Venesýela óz-ózin qamtamasyz ete alady. Tek AQSh Venesýelanyń 10 mlrd dollaryn buǵattap tastaǵan, sondyqtan el igiligi úshin bul qarajatty paidalana almai otyr.
10 aqpanda Kolýmbiianyń Kýkýta qalasyna Venesýela azamattaryna arnalǵan gýmanitarlyq kómektiń birinshi bóligi keldi. AQSh ózin ýaqytsha el prezidetimin dep jariialaǵan Hýan Gýaidonyń ótinishine jaýap retinde medikament jáne aqýyzy joǵary tamaq joldaǵan. Al Madýra Kolýmbiiadan azyq-túlik Venesýelaǵa ótip ketpeýi úshin áskerilerge Kolýmbiiamen shekarany jabýdy tapsyrdy.
Oppozitsiianyń kóshbasshysy jáne parlament spikeri Hýan Gýaido 23 qańtarda ózin ýaqytsha prezidentpin dep jariialady. Ol ýaqytta Venesýelada jappai narazylyq sharalary bolyp jatqan. AQSh, EýroOdaqtyń kóp memleketi jáne latynamerikalyq elderdiń kóp bóligi ony zańdy memleket basshysy dep tanydy. Al Resei Madýrony qoldaitynyn jariialady.
