Pittsbýrg ýniversitetiniń (AQSh) ǵalymdary koronavirýstyń kúshin joiatyn aqýyzdy anyqtady. Ol koronavirýstyń S aqýyzymen (protein S) áserlesip, ishke enip, ony joia alady.
Cell ǵylymi jýrnalynda dúisenbi kúni jariialanǵan zertteýdegi málimetke sáikes, másele Covid-ke qarsy Ab8 dárisin shyǵarýda paidalanylatyn antideneden on ese kishi aqýyz qosyndysy jaily bolyp otyr.
Bul dári-dármek koronavirýs aýrýyna shaldyqqan tyshqandar men alaqorjyndardy emdeýde jáne virýstan qorǵaýda tiimdiligin dáleldegen. Mamandar tabylǵan zat molekýlalarynyń adam jasýshalaryna qatysy joq bolǵandyqtan onyń janama áserin azaitýǵa bolady dep otyr.
"Ab8 dárisi Covid-ten emdep qana qoimai, koronavirýs juǵýdan qorǵaityn amal retinde qarastyrylyp otyr" dedi zertteý avtorlarynyń biri Djon Mellors.
