AQSh-tyń federaldy rezerv júiesi koronavirýsqa qarsy kúresten týyndaǵan qaýip-qaterge bailanysty stavkasyn tómendetti. Bul jaiynda keshe Ashyq naryqtaǵy operatsiialar jónindegi federaldyq komitet málim etti, dep habarlaidy TASS agenttigi.
«Koronavirýs saldary ekonomikalyq jaǵdaiǵa áser ete beredi jáne bul ekonomikalyq perspektiva úshin asa qaýipti. Jaǵdaidyń ýshyǵýyna bailanysty komitet federaldy qor boiynsha stavkanyń maqsatty diapazonyn 0-0,25% deiin tómendetýdi jón dep tapty» delingen habarlamada.
Komitet ekonomikanyń sońǵy oqiǵalarǵa shydas berip, jumyspen qamtý jáne baǵa turaqtylyǵy boiynsha maksimaldy deńgeidiń maqsatty kórsetkishterine qol jetkizýge daiyn ekenine senimdi bolmaiynsha osy diapazondy saqtap qalady.
Onyń ústine FRJ kólemdik jumsartý saiasatyna kóshedi. Júie 700 mlrd dollarǵa qosymsha obligatsiialar satyp alady. Onyń 50 mlrd dollary – AQSh qazyna qaǵazdaryna tiesili.
