AQSh elshiliginiń ókili Reseige salynǵan sanktsiialardyń Qazaqstanǵa áseri týraly aitty, - dep habarlaidy Tengrinews.kz.
"Ýkrainadaǵy jaǵdai qarqyndy damyp keledi, sondyqtan qazirgi ýaqytta uzaq merzimdi sharalar men olardyń saldary týraly aitý qiyn. Alaida AQSh sanktsiialary Resei ekonomikasyna baǵyttalǵan jáne basqa elderdiń, sonyń ishinde Qazaqstannyń da ekonomikasyna áseri barynsha az bolatyndai qarastyrylǵan.
30 jyldyq áriptestigimizdi eskerip, Qazaqstan ekonomikasyn ártaraptandyrýǵa jáne nyǵaitýǵa kómektesýge daiynbyz", - dedi AQSh diplomatiialyq missiiasy Tengrinews.kz tilshisiniń saýalyna.
Buǵan deiin Prezident Qasym-Jomart Toqaev Qazaqstan Resei men Ýkraina arasyndaǵy qaqtyǵysty retteýge, sonyń ishinde mediatsiia qyzmetin qosa alǵanda, jan-jaqty kómek kórsetýge daiyn ekenin aitqan.
"Bizdiń ustanymymyz memleketimizdiń qaýipsizdigin, egemendigi men aýmaqtyq tutastyǵyn qamtamasyz etýdiń mańyzdy qajettiligine negizdelýi kerek. 2010 jyly EQYU sammitin ótkizgen el retinde biz eýraziialyq qaýipsizdiktiń bólinbeitin qaǵidatyn ustanamyz. (...) Minsk kelisimderi qaǵaz júzinde qalyp, Ýkraina aýmaǵyndaǵy áskeri operatsiialarǵa ákeldi. Geosaiasi jaǵdai buryn-sońdy bolmaǵan jaǵdaida ýshyǵyp ketti. Biz eki memleketti kelissóz ústelinde ortaq til tabýǵa, kelisimge kelýge shaqyramyz. Basqa amal joq. Jaqsy janjaldan jaman tatýlyq artyq", - dedi Toqaev.
