Pavlodardaǵy joǵary oqý ornynda AQSh elshiliginiń kómegimen óńir áielderine arnalǵan biznes-akademiia ashylady, dep habarlaidy QazAqparat Pavlodarnews.kz-ke silteme jasap.
Aita ketsek, oblysta 52 000 shaǵyn jáne orta biznes sýbektisi bar. Olardyń 44,4%-yn áielder júrgizedi. Áielder biznesi baiaý damýda. Sondyqtan jobanyń maqsaty - Pavlodar, Ekibastuz jáne Aqsý áielderine ózderiniń ekonomikalyq áleýetin iske asyrýǵa kómektesý jáne sol arqyly óńirdiń ekonomikasyn kúsheitý.
– Jobanyń basty mindeti - qatysýshylarǵa biznesti júrgizý negizderi týraly keshendi jáne júieli túsinik berý, olardyń biznes-daǵdylary men quzyretterin jetildirýge kómektesý, biznestegi óz strategiiasyn túsinýdi qalyptastyrý jáne ózine senimdilik pen biznestegi óz ideiasynyń sáttiligine ýájdeme alý, - deidi ýniversitet rektory Anastasiia Aliiasova. - Jobanyń tálimgerleri retinde Amerikanyń halyqaralyq sarapshylary, ekonomikanyń túrli sektorlarynda jumys isteitin, óz tájiribesimen bólisýge jáne sizdiń biznes-ideialaryńyzǵa, onyń ishinde qarjylyq qoldaý kórsetýge daiyn kásipkerler bolady. Pavlodar oblysynyń isin jańa bastaǵan kásipkerlerine «Biznes-angely Ameriki» iri halyqaralyq uiymy kómek kórsetedi.
«Áielder biznes-akademiiasynyń qurylýy 9 qyrkúiekte «Atameken» palatasynda ótken oblys ákiminiń orynbasary Sáken Shaiahmetovpen kezdesýde pavlodarlyq kásipkerler kótergen ózekti máseleni sheshedi», - dep atap ótti bastamashylar.
Joba bir jyl ishinde ázirlendi, kelissózder, kelisimder júrgizildi.
Jobaǵa qatysý úshin kelesi silteme boiynsha saýalnamany toltyrý qajet: https://goo.su/7lvx
