Ulttyq bank aiyrbastaý pýnktileri arqyly júrgiziletin operatsiialar boiynsha shetel valiýtasyn teńgege satyp alý baǵamynyń satý baǵamynan aýytqý shegin belgiledi, dep habarlaidy "Ult aqparat".
Qazaqstan Ulttyq banki qarjy naryǵy qatysýshylarynyń valiýtalardy satyp alý jáne satý baǵamy arasynda negizsiz joǵary marjany ornatýyna jol bermes úshin shuǵyl shara qabyldady.
19 naýryzda qarjy uiymy arnaiy qaýly qabyldady. Qaýlyda ýákiletti bankterdiń jáne ýákiletti uiymdardyń aiyrbastaý pýnkti arqyly júrgiziletin operatsiialar boiynsha shetel valiýtasyn satyp alý baǵamynyń satý baǵamynan aýytqý shegi bylai belgilendi:
- AQSh dollary - 6 teńge
- Eýro - 7 teńge.
Bul sharalar elde tótenshe jaǵdai rejimi kezinde iske asady jáne ishki valiýta naryǵyna syrtqy faktorlardyń turaqsyzdandyratyn áserin shekteýge jáne qarjylyq turaqtylyqty qamtamasyz etýge járdemdesýge baǵyttalǵan.
Qaýlynyń tolyq mátinimen Ulttyq banktiń resmi internet-resýrsynda tanysýǵa bolady.
