AQSh Gonkongtaǵy demokratiialyq qozǵalys jetekshilerimen kezdesken amerikalyq diplomattyń sýretteri men jeke derekterin jariialaǵany úshin Qytaidy "bandittik rejim" dep aiyptady.
Al Pekin 8 tamyzda Vashingtonnan Gonkong isine "aralasýdy toqtatýdy", "Qytaiǵa qarsy búlikshilermen" bailanysyn úzýin talap etti.
Saýda soǵysyna bailanysty Vashington men Pekin arasyndaǵy qarym-qatynas ýshyqqan shaqta eki tarap bir-birin qatań synap otyr.
Buǵan deiin Gonkongta taralatyn Ta Kung Pao basylymy qonaq úilerdiń birinde stýdentter sherýiniń jetekshisimen sóilesip otyrǵan AQSh elshiliginiń ókili retinde kórsetilgen Djýli Ideniń sýretin jariialaǵan. Sýretke "Syrtqy kúshterdiń aralasýy" degen sipattama jazylǵan. Osydan soń AQSh memlekettik departamenti málimdeme jasady.
Memlekettik departamentiniń resmi ókili Morgan Ortagýs 8 tamyzda ótken brifingte "Amerikalyq diplomat týraly aqparatty: jeke derekteri, sýreti, balalarynyń aty-jónderin jariialaý resmi narazylyq dep oilamaimyn; mundaidy bandittik rejimnen kútýge bolatyn edi" dep málimdegen.
