اقش گونكونگتاعى دەموكراتييالىق قوزعالىس جەتەكشٸلەرٸمەن كەزدەسكەن امەريكالىق ديپلوماتتىڭ سۋرەتتەرٸ مەن جەكە دەرەكتەرٸن جارييالاعانى ٷشٸن قىتايدى "بانديتتٸك رەجيم" دەپ ايىپتادى.
ال پەكين 8 تامىزدا ۆاشينگتوننان گونكونگ ٸسٸنە "ارالاسۋدى توقتاتۋدى", "قىتايعا قارسى بٷلٸكشٸلەرمەن" بايلانىسىن ٷزۋٸن تالاپ ەتتٸ.
ساۋدا سوعىسىنا بايلانىستى ۆاشينگتون مەن پەكين اراسىنداعى قارىم-قاتىناس ۋشىققان شاقتا ەكٸ تاراپ بٸر-بٸرٸن قاتاڭ سىناپ وتىر.
بۇعان دەيٸن گونكونگتا تارالاتىن Ta Kung Pao باسىلىمى قوناق ٷيلەردٸڭ بٸرٸندە ستۋدەنتتەر شەرۋٸنٸڭ جەتەكشٸسٸمەن سٶيلەسٸپ وتىرعان اقش ەلشٸلٸگٸنٸڭ ٶكٸلٸ رەتٸندە كٶرسەتٸلگەن دجۋلي يدەنٸڭ سۋرەتٸن جارييالاعان. سۋرەتكە "سىرتقى كٷشتەردٸڭ ارالاسۋى" دەگەن سيپاتتاما جازىلعان. وسىدان سوڭ اقش مەملەكەتتٸك دەپارتامەنتٸ مەلٸمدەمە جاسادى.
مەملەكەتتٸك دەپارتامەنتٸنٸڭ رەسمي ٶكٸلٸ مورگان ورتاگۋس 8 تامىزدا ٶتكەن بريفينگتە "امەريكالىق ديپلومات تۋرالى اقپاراتتى: جەكە دەرەكتەرٸ, سۋرەتٸ, بالالارىنىڭ اتى-جٶندەرٸن جارييالاۋ رەسمي نارازىلىق دەپ ويلامايمىن; مۇندايدى بانديتتٸك رەجيمنەن كٷتۋگە بولاتىن ەدٸ" دەپ مەلٸمدەگەن.
