AQSh búkil álem elderin KHDR-men kez kelgen bailanys túrin úzýge shaqyrdy. Bul týraly AQSh-tyń BUU-daǵy turaqty ókili Nikki Heili aitty, - dep habarlaidy RIA Novosti.
"Biz AQSh búkil álem elderin KHDR-men kez kelgen bailanys túrin úzýge shaqyramyz, soǵan qosa BUU barlyq sanktsiia túrin engizýi kerek", - dedi Heili Soltústik Koreia máselesi boiynsha ótken qaýipsizdik keńesinde.
Ol Soltústik Koreiamen saýda-sattyqty, import pen eksportty toqtatyp, barlyq soltústikkoreialyq jumysshyny óz eline qaitarý kerektigin aitty.
Sonymen qatar, Heili KHDR-syn BUU otyrysytarynda daýys berý quqyǵynan aiyrýǵa shaqyrdy. AQSh prezidenti Donald Tramp Qytai kóshbasshysy Si Tszinpinmen kezdesý barysynda QHR-nyń Soltústik Koreiaǵa munai shikizatyn tasymaldaýdy doǵarýǵa shaqyrǵan, olai bolmaǵan jaǵdaida AQSh osy máseleni óz qolyna alatynyn aitqan.
"Qytai barlyǵyn ózi istei alady nemese munai máselesin biz qolǵa alamyz", - dedi ol.
Sársenbige qaraǵan túni japoniialyq jáne ońtústikkoreialyq KHDR tarapynan jiberilgen zymyrandy baiqaǵan, ol Japoniianyń jaǵalaýynan 210 shaqyrym jerde qulaǵan. Zymyran 4,5 shaqyrym biiktikke kóterilip, 960 shaqyrymǵa ushqan. Aldyn ala boljam boiynsha, Phenian qurlyqaralyq zymyrandy ushyrǵan.
