"Jetilik toptyń" (G7, "Úlken jetilik" dep te atalady - red.) tórt eli – Ulybritaniia, AQSh, Kanada men Japoniia Reseiden altyn importtaýǵa tyiym salǵaly otyr, olar muny "Ýkrainaǵa basyp kirgeni úshin Reseige salynǵan sanktsiiany qataita túsý sharasy" dep sanaidy. Bul jóninde Ulybritaniia premer-ministri Boris Djonson jeksenbide, "Jetilik toptyń" Germaniiadaǵy sammitin ashý rásiminde aitty, dep habarlaidy Azattyq.
Buǵan deiin Reuters agenttigi Reseiden altyn importtaýǵa G7 tobynyń barlyq múshesi qarsy ekenin, onyń ishinde Frantsiia, Germaniia men Italiiada bar ekenin habarlaǵan. Alaida olardyń Resei altynyn importtaý tyiymyna qosylǵany jóninde ázirge habar joq.
Eýrokeńes basshysy Sharl Mishel Eýropa odaǵy Reseiden altyn importtaýǵa tyiym salý máselesin zerdeleitinin, bul shara Eýropa odaǵynyń ekonomikasyna ziian keltire me, joq pa degen máseleni baǵalaý qajettigin málimdedi.
Biraq AQSh ákimshiliginiń joǵary laýazymdy sheneýnigi jeksenbi kúni "sammit qorytyndysynda "jetilik" elderi Resei altynyna embargo týraly ortaq sheshimge keledi degen úmit baryn" málimdedi.
Djonsonnyń sózinshe, bul shara keiingi kezderi aktivterin altynǵa aýystyra bastaǵan Resei oligarhtary men "pýtindik soǵys máshinesine" soqqy bolmaq. Halyqaralyq altyn saýdasyndaǵy Londonnyń róli men AQSh, Japoniia jáne Kanadanyń yqpalyn eskere qaraǵanda, bul – halyqaralyq naryqqa zor yqpal etetin shara bolady" deidi habarda.
Byltyr altyn eksporty Resei ekonomikasyna 15 milliard dollar ákelgen. Degenmen tyiymnyń Reseidiń álem naryǵyna shyǵyp qoiǵan altynyna qatysy bolmaidy.
