Foto: pexels.com
Áskeri-teńiz operatsiialarynyń basshysy 2027 jylǵa qarai Qytaiǵa qarsy áskeri is-qimyldar júrgizýge daiyndyq josparlaryn jariialady.
AQSh Áskeri-teńiz operatsiialarynyń basshysy admiral Liza Franketti navigatsiialyq jospardy (NAVPLAN) jariialaǵan, onda eki strategiialyq maqsat kórsetilgen:
- 2027 jylǵa qarai Qytaimen yqtimal soǵysqa daiyn bolý;
- ÁTF-tiń uzaq merzimdi artyqshylyǵyn nyǵaitý.
Buǵan qosa, joba flotty qyzmet kórsetýge bailanysty keshigýlerdi joiý, robototehnikany arttyrý, jańa komandalyq ortalyqtardy qurý, negizgi infraqurylymdy qalpyna keltirý, sondai-aq kúshterdi oqytý jáne "soǵys alańyna kóbirek oiynshylardy tartý" siiaqty maqsattardy qamtidy.
Óziniń josparynda Franketti eki jyl buryn QHR tóraǵasy Si Tszinpinniń 2027 jylǵa qarai respýblikanyń armiiasyn "álemdik deńgeige" jetkizýge shaqyrǵan málimdemesine nazar aýdarǵan. Sol kezde Si eldiń áskerdi daiyndaýdy kúsheitip, barlyq baǵyttarda jaýyngerlik daiyndyqty arttyrýǵa nietti ekenin aitty. Buǵan deiin Qytai tóraǵasy soǵysqa daiyndyqqa basymdyq berýge shaqyrǵan bolatyn.
Batys elderi Taivanǵa qatysty Qytai saiasatyn birneshe ret synǵa alyp, aralǵa basyp kirý jaǵdaiynda áskeri sharalarmen qorqytqan. 2022 jyly qabyldanǵan Soltústik Atlantika aliansynyń tujyrymdamasynda Qytai "júieli qaýip" dep ataldy.
2023 jyldyń shildesinde jasalǵan málimdemede Qytaidyń "ambitsiialary men májbúrleý saiasaty bizdiń múddelerimizge, qaýipsizdigimizge jáne qundylyqtarymyzǵa qaýip tóndiredi" delingen bolatyn.
Aita keteiik, 2022 jyldyń kúzinde OBB Qytai lideri óz áskeri kúshterine 2027 jylǵa qarai Taivandy áskeri baqylaýǵa alýǵa daiyndalýǵa tapsyrma bergenin habarlaǵan edi.
.jpg)