19 tamyzda AQSh ádilet ministrligi Siriiada Batys elderiniń azamattaryn azaptap, óltirdi dep kúdikke ilingen "Islam memleketi" (IM) ektremistik tobynyń eki múshesine ólim jazasyn qoldanbaýǵa ýáde berdi.
Ólim jazasynan bas tartqan Ulybritaniia soty buǵan deiin eki kúdiktige AQSh ólim jazasyn qoldanbaýǵa ýáde bermeiinshe olar týraly aqparatpen bólisýden bas tartqan edi. Ulybritaniia azamattyǵy bar eki kúdikti Aleksanda Amon Kotei jáne ál Shafi Ál-Sheih qazir AQSh áskerileriniń qolynda.
AQSh bas prokýrory Ýiliam Barrdyń ýádesi IM ekstremistik uiymynyń "Bitlz" dep atalatyn top múshelerine qatysty isti sotta qaraýǵa múmkindik beredi.
Tergeý organdarynyń aitýynsha, bul top músheleri Siriiada adamdardy (arasynda AQSh jáne Ulybritaniia da azamattary da bar) azaptap, basyn kesken.
