Sailaý kúni jaqyndaǵan saiyn, amerikalyq BAQ saýalnamalarǵa nazar aýdaryp, naýqannyń Aq úige talasqa qalai áser etetinin kórsetip jatyr. Mysaly BBC saýalnamada kimniń desi basym ekenin jazǵan.
Ulttyq saýalnamalarda kim kósh bastap tur?
Demokratiialyq partiianyń kandidaty Kamala Harris ulttyq saýalnamalarda Tramptan alda keledi. Saýalnamalarǵa qaraǵanda, prezident Baiden óz sheshimin qabyldaǵanǵa deiin birneshe ai boiy burynǵy prezident Tramptan artta qalyp otyrdy.
Sheshýshi shtattarda kim jeńiske jetýde?
Qazir jeti sheshýshi shtatta eki kandidattyń nátijeleri óte jaqyn, sondyqtan naǵyz kóshbasshyny anyqtaý qiyn.
Ázirge Harris Nevada, Pensilvaniia, Michigan jáne Viskonsin siiaqty tórt sheshýshi shtatta Tramptan alda (sońǵy eki shtatta tiisinshe 2% jáne 3% artyqshylyǵy bar). Soltústik Karolina, Djordjiia jáne Arizonada burynǵy prezidenttiń artyqshylyǵy bir paiyzdyq pýnktten az.
Saýalnamalarǵa senýge bola ma?
Qazirgi kezde saýalnamalar Kamala Harris pen Donald Tramptyń ulttyq deńgeide jáne sheshýshi shtattarda bir-birinen birneshe paiyzdyq pýnkt qashyqtyqta ekenin kórsetip otyr - mundai jaǵdaida jeńimpazdy boljaý óte qiyn. 2016 jáne 2020 jyldary saýalnamalar Tramptyń qoldaýyn durys baǵalamaǵan bolatyn.
Saýalnama júrgizetin kompaniialar bul máseleni sheshýge tyrysyp, sailaýǵa keletin naqty sanattaǵy turǵyndardy zertteýdiń ártúrli tásilderin qoldanbaq.
.jpg)