Aqsai qalasynda alty adam tamaqtan ýlanyp, aýrýhanaǵa tústi, dep habarlaidy "Ult aqparat".
Bórli aýdandyq ortalyq aýrýhanasynyń direktory Shyńǵys Sársenǵalievtiń málim etkenindei, oqiǵa 12, 13 jáne 14 mamyr kúnderi boldy.
Onyń aitýynsha, alty adamnyń beseýi – Qarashyǵanaq ken ornyna qatysty qyzmet atqaratyn túrli kompaniialardyń jumysshylary.
12 mamyr kúni túsken tórt adamnyń ekeýi jansaqtaý bólimine jatqyzyldy. Sonyń ishinde bireýi – jumysshynyń áieli.
Ol kúieýi jumystan alyp kelgen plastikalyq ydysqa salynǵan tamaqty jegen.
Áiel 13 mamyr kúni, er adam keshe jansaqtaý bóliminen jalpy palataǵa aýystyryldy.
Sondai-aq 13 jáne 14 mamyr kúnderi bir-bir adamnan aýrýhanaǵa tústi.
«Qazirgi kezde barlyǵynyń jaǵdaiy ortasha aýyr. Em qabyldaýda. Aldyn ala málimet boiynsha olar tamaqtan ýlanǵan degen diagnoz qoiyldy. Jumysshylardyń neden ýlanǵany keiin anyqtalatyn bolady», dedi Sársenǵaliev.
Turǵyndardyń sózine qaraǵanda, ýlanǵandar Halliburton jáne basqa qosalqy merdiger kompaniialardyń qyzmetkerleri kórinedi.
