QR Ishki ister ministri Erlan Turǵymbaev Qordai aýdanynda aqsaqalǵa qol kótergen adam qamaýda otyrǵanyn aitty, dep habarlaidy "Ult aqparat".
«Politsiia qyzmetkerine qol kóterý, jaǵasynan alý - Qazaqstanda ǵana emes, dúniejúziniń qai elinde bolmasyn qylmystyń úlkeni. Biz ony kórdik, sol qylmys jasaǵandar tabyldy ma? Olarǵa is qozǵaldy ma? Ekinshiden, qai halyqta bolmasyn jasy úlken adamǵa, aqsaqalǵa qarsy sóz sóileý, jaman sóz aitý jaqsy emes. Bul másele áleýmettik jelide kóp talqylandy. Osy aqsaqalǵa (Qordai aýdanynda) qol kótergen adamdar tabyldy ma? Tabylsa, olarǵa qatysty qylmystyq is qozǵaldy ma?», - dep surady Parlament Senaty Halyqaralyq qatynastar, qorǵanys jáne qaýipsizdik komitetiniń tóraǵasy Muhtar Qul-Muhammed QR IIM basshysynan.
Óz kezeginde E. Turǵymbaev búginde Qordai aýdanynda jaǵdai turaqty ekenin atap ótti.
«Bizdiń politsiia qyzmetkerlerine qol kótergen úsh adam anyqtalyp, qamaýǵa alyndy», - dep toqtaldy ministr.
Sonymen qatar ol aqsaqalǵa qol kóterý oqiǵasy boiynsha saraptalyq sharalar júrip jatqanyn aitty.
«Aqsaqal boiynsha máselege toqtalsaq, bul iske qatysty azamatty ustadyq. Ol adam ekinshi kúni ustaldy, qazir qamaýda otyr. Atap aitqanda, meditsinalyq saraptama bitkennen keiin, isti eki-úsh aptadan soń sotqa jiberemiz», - dedi Erlan Turǵymbaev.
