Aqparat jáne kommýnikatsiialar vitse-ministri taǵaiyndaldy

Nurgúl Maýberlinova QR Aqparat jáne kommýnikatsiialar vitse-ministri bolyp taǵaiyndaldy, - dep habarlaidy "Ult aqparat" premer-ministrdiń resmi saityna silteme jasap.

QR Aqparat jáne kommýnikatsiialar ministrliginde kadrlyq aýys-túiis boldy. Atalmysh ministrliktiń Aqparat komitetine jetekshilik etken Nurgúl Óserbaiqyzy vitse-ministr qyzmetine kiristi. Buǵan deiin bul qyzmetti Alan Ájibaev atqarǵan bolatyn.

Saran pedagogikalyq ýchilishesin (1992), E.A. Bóketov atyndaǵy Qaraǵandy memlekettik ýniversitetin (2000), Qaztutynýodaǵy Qaraǵandy ekonomikalyq ýniversitetin (2006) támamdaǵan.

2006-2008 jyldary – Qazaqstan Respýblikasy Mádeniet jáne aqparat ministrligi Aqparat jáne muraǵat komitetiniń bas sarapshysy.

2008-2012 jyldary – Qazaqstan Respýblikasy Premer-Ministriniń Keńsesi Aqparattyq-taldaý ortalyǵynyń bas konsýltanty.

2012-2016 jyldary – Qazaqstan Respýblikasy Prezidentiniń janyndaǵy «Ortalyq kommýnikatsiialar qyzmeti» RMM direktorynyń orynbasary qyzmetterin atqarǵan.

2016 jyldyń 18 shildesinde Qazaqstan Respýblikasy Aqparat jáne kommýnikatsiialar ministrligi Aqparat komiteti tóraǵasynyń qyzmetine taǵaiyndaldy.