QR Úkimetiniń qaýlysymen Serik Rahmetollauly Egizbaev QR aqparat jáne qoǵamdyq damý vitse-ministri qyzmetine taǵaiyndaldy, dep habarlaidy "Ult aqparat" QR Premer-Ministriniń baspasóz qyzmetine silteme jasap.
Serik Egizbaev 1963 jyly Batys Qazaqstan oblysynda dúniege kelgen.
Batys Qazaqstan aýyl sharýashylyǵy institýtyn, QR Prezidenti janyndaǵy Memlekettik qyzmet akademiiasyn, Qazaq memlekettik zań akademiiasyn bitirgen. Mamandyǵy boiynsha biliktiligi — ǵalym agronom, memlekettik qyzmet menedjeri, zańger.
Eńbek jolyn Oral (qazirgi Batys Qazaqstan) oblysyndaǵy «Chapaev» asyl tuqymdy mal zaýytynda jumysshy bolyp bastaǵan.
1986 jyldan 1990 jylǵa deiin óńirdiń komsomol uiymdarynda ár túrli laýazymdarda jumys istegen.
1990-1997 jyldary — Oral oblystyq Qazaqstan Jastar odaǵynyń hatshysy-ideologiialyq bóliminiń meńgerýshisi, Batys Qazaqstan oblystyq Qazaqstan Jastar odaǵynyń birinshi hatshysy.
1997-1998 jyldary Batys Qazaqstan oblysynyń ákimdiginde bas inspektor jáne uiymdastyrý jáne kadr jumysy bólimi meńgerýshisiniń orynbasary laýazymdarynda qyzmet atqarǵan.
2000 jyldan 2001 jylǵa deiin QR Qarjy ministrliginiń Uiymdastyrý jáne kadr jumysy departamentiniń bólim basshysy bolyp jumys istegen.
2001-2007 jyldary QR Premer-Ministriniń Keńsesinde túrli qyzmetter atqarǵan.
2007-2016 jyldary QR Prezidenti Ákimshiliginde túrli laýazymdarda jumys istegen.
2016 jylǵy qazanda QR aýyl sharýashylyǵy vitse-ministri bolyp taǵaiyndaldy.
2017 jylǵy naýryzda — «Qazaqstan» RTRK basqarma tóraǵasynyń óńirlik damý jónindegi orynbasary.
2019 jyldyń qyrkúiek aiynan 2021 jyldyń aqpan aiyna deiin Batys Qazaqstan oblysy ákiminiń orynbasary qyzmetin atqardy.
Osy jyldyń aqpan aiynan bastap qazirgi ýaqytqa deiin QR Aqparat jáne qoǵamdyq damý ministrliginiń apparat basshysy bolyp jumys istedi.
