«Egemen Qazaqstan» respýblikalyq gazeti» AQ basqarma tóraǵasy Darhan Qydyráli Aqparat jáne qoǵamdyq damý ministri laýazymyna taǵaiyndaldy, dep habarlaidy "Ult aqparat" Aqordanyń resmi saityna silteme jasap.
«Darhan Qýandyquly Qydyráli Qazaqstan Respýblikasynyń Aqparat jáne qoǵamdyq damý ministri laýazymyna taǵaiyndalsyn» - delingen Prezident Jarlyǵynda.
Aita keteiik, Darhan Qydyráli 1974 jyly Ońtústik Qazaqstan oblysynda dúniege kelgen.
Ál-Farabi atyndaǵy QazUÝ-de (1991-1992) jáne Túrkiianyń Marmara (1992-1996), Dokýz Eilúl (1996-1997), Egei (1997-1998), Ystanbul (1998-2001) ýniversitetterinde bilim alǵan. Ystanbul ýniversitetinde doktorlyq dissertatsiia qorǵap, «filosofiia doktory» ǵylymi dárejesin ielengen (2001). Abai atyndaǵy QazUPÝ-da doktorlyq dissertatsiia qorǵap, tarih ǵylymdarynyń doktory atanǵan (2010). Ol - QR UǴA-nyń korrespendent-múshesi.
Eńbek jolyn 2001-2005 jyldary – Q.A. Iasaýi atyndaǵy Halyqaralyq qazaq-túrik ýniversitetinde aǵa ǵylymi qyzmetker, ǵalym-hatshy, kafedra meńgerýshisi, apparat jetekshisi, jetekshi ǵylymi qyzmetker bolyp bastady.
2005-2006 jyldary – L.N. Gýmilev atyndaǵy Eýraziia ulttyq ýniversitetinde dotsent, aǵa ǵylymi qyzmetker;
2006-2007 jyldary – Qazaqstan Respýblikasy Prezidenttik mádeniet ortalyǵynda direktordyń orynbasary;
2007-2008 jyldary – Qazaqstan Respýblikasy Bilim jáne ǵylym ministriniń keńesshisi;
2008-2009 jyldary – Qazaqstan Respýblikasy Prezidenti Ákimshiliginde sarapshy, sektor meńgerýshisi qyzmetterin atqardy.
2009-2012 jyldary – Qazaqstan Respýblikasy Prezidenti Baspasóz hatshysynyń orynbasary;
2012-2014 jyldary – Túrki keńesi Bas hatshysynyń orynbasary boldy.
2014 jyldan bastap Halyqaralyq Túrki akademiiasynyń prezidenti, 2015 jylǵy maýsymnan Túrki álemi Ulttyq ǵylym akademiialar odaǵy hatshylyǵynyń basshysy qyzmetin qosa atqarady jáne atalǵan odaqtyń uiymdastyrýshysy bolyp sanalady.
2015 jyly IýNESKO-nyń Parijdegi shtab-páterinde «Qorqyt murasy jáne Túrki álemi» atty halyqaralyq mádeni sharany, 2016 jyly Niý-Iork qalasyndaǵy Birikken Ulttar uiymynyń shtab-páterinde «2030 jospary úshin Jibek joly boiyndaǵy jańa sinergiia» atty halyqaralyq simpoziýmdy uiymdastyrdy.
2016 jyldyń shildesinen «Egemen Qazaqstan» respýblikalyq gazeti» aktsionerlik qoǵamynyń basqarma tóraǵasy laýazymyn atqaryp keldi.
2018 jyly Halyqaralyq Túrki akademiiasynyń prezidenti bolyp ekinshi merzimge taǵaiyndaldy.
