Aqpan aiynda elimizdiń basym bóliginde aýanyń ortasha temperatýrasy klimattyq normadan 1-2° joǵary bolady dep kútilýde. Bul týraly QazAqparat Qazgidrometke silteme jasap habarlaidy.
Bul Iran men Orta Aziia aýdandarynan jyly aýa massalarynyń shyǵarylýyna bailanysty bolady. Elimizdiń shyǵysynda Taimyr men Shyǵys Sibir aýdandarynan sýyq antitsiklonnyń yqpal etýine bailanysty aýa temperatýrasy klimattyq norma shamasynda bolady.
Aqpan aiynda jaýyn – shashyn mólsheri respýblikanyń basym bóliginde norma shamasynda, al Qazaqstannyń batysynda, ońtústik, ońtústik-shyǵys jáne shyǵys aýmaqtardyń taýly jáne taý bókterli óńirlerinde normadan kóp boljanady.
Birinshi onkúndiktiń basynda Sibir antitsiklony Qazaqstannyń basym bóliginde aiazdy jáne kóbinese az jaýyn-shashyndy aýa raiyn sharttaidy, al respýblikanyń batysynda Batys jáne Ońtústik tsiklondardyń yqpalymen jaýyn-shashyn (jańbyr, qar), jeldiń 15-20 m/s deiin kúsheiýi, tuman jáne kóktaiǵaq qubylystary kútiledi. Sodan keiin tsiklonnyń soltústik-shyǵys baǵytta aýysýymen respýblikanyń qalǵan aýmaǵynda da jaýyn-shashyndy jáne jeldi aýa raiy kútiledi.
Aqpannyń birinshi onkúndiginiń birinshi jartysynda QR ońtústigi men batysynda kúndizgi aýa temperatýrasynyń joǵarylaýy kútiledi.
Birinshi onkúndiktiń ortasynda elimizdiń soltústiginde jáne ortalyǵynda túnde-10-20°S-tan -5-13°S-qa deiin, kúndiz -5-15°S-tan 0,-8°S-qa deiin aiazdyń álsireýi boljanady.
Onkúndiktiń sońynda respýblikanyń shyǵysynda temperatýra fony túnde -18-23°S-tan -12-17°S-qa deiin, soltústik-shyǵysta -28-33°S-tan -20°S-qa deiin, kúndiz-10-15°S-tan -5-10°S-qa deiin joǵarylaidy.
Ekinshi jáne úshinshi onkúndikterde aýyspaly barikalyq túzilimdermen aýa raiynyń turaqsyz sipaty kútiledi: jaýyn-shashyn (jańbyr, qar), ekpindi jel, elimizdiń soltústik-batys jartysy men batysynda burqasynmen, ońtústiginde jekelegen kúnderi shańdy daýyl kútiledi.
Jekelegen kúnderi Shyǵys Sibir aýdandarynan sýyq antitsiklonnyń áserinen temperatýralyq fon tómendeidi dep kútiledi:
- batysta jáne soltústik-batysta túnde -12-22°S-qa deiin, kúndiz -3-10°S-qa deiin;
- soltústik jartysynda túnde -20-35°S-qa deiin, kúndiz -13-18°S-qa deiin;
- ońtústik jartysynda túnde -8-15°S-qa deiin, kúndiz -5+3°S-qa deiin.
Jekelegen kúnderi Iran men Orta Aziia aýdandarynan jyly aýa massalarynyń shyǵarylýyna bailanysty temperatýralyq fon joǵarylaidy dep boljanady:
- batysta túnde -5+1°S-qa deiin, kúndiz +2+8°S-qa deiin;
- soltústik-batysta, soltústikte, ortalyqta jáne shyǵysta túnde -3-15°S-qa deiin, kúndiz -6+3°S-qa deiin;
- ońtústikte, ońtústik-shyǵysta jáne ońtústik-batysta túnde -5+5°S deiin, kúndiz +5+12°S deiin.
