Túrkistan oblysynyń Jetisai aýdanynda aǵymdaǵy jyly 900 gektarǵa qyryqqabat kóshetteri otyrǵyzylǵan. Jergilikti diqandar aqpan aiynda 120 tonna qyryqqabatty jinap, saýdaǵa shyǵardy, dep habarlaidy "Ult aqparat".
Jalpy aýylsharýashylyǵy maqsatyndaǵy jer kólemi 78 500 gektardy quraidy. Ótken jyly aýdanda 1 170 gektarǵa qyryqqabat egilip, odan 36 myń tonna ónim jinalǵan. Jańa dáýir eldi mekeninde ornalasqan «Shablan» sharýa qojalyǵy jyl saiyn kókónistiń osy túrin egýmen ainalysady. Biyl qojalyq 3,5 gektarǵa qyryqqabat egip, qazirgi tańda odan 70 tonna jinap alǵan. Al, Nurbol Ámetov esimdi sharýa 50 tonna ónim jinaǵan.
Diqandar alynǵan ónimderin jergilikti bazarlarǵa jáne respýblikanyń ózge óńirlerine jóneltken. Odan bólek, byltyr aýdanda 65,5 mlrd teńge aýyl sharýashylyǵy ónimderi óndirilgen.
Atalǵan salaǵa ótken jyly 2 mlrd 600 mln teńgeniń investitsiiasy tartylyp, 2019 jylmen salystyrǵanda atalǵan salaǵa tartylǵan investitsiia kólemi eki esege artqan.
Aita keterligi, kúzgi jáne kóktemgi dala jumystaryn júrgizýge Úkimet tarapynan jeńildetilgen baǵada bólingen 9500 tonna janar-jaǵarmai sharýalarǵa úlestirilgen.
