Aqpan aiynda shekara keńistiginde 2 559 QR zańnamalaryn buzýshy ustaldy, dep habarlaidy "Ult aqparat" QR UQK baspasóz qyzmetine silteme jasap.
UQK Shekara qyzmeti 2024 jyldyń aqpanynda quzyrly organdarmen ózara árekettese otyryp, shekara keńistiginde 2 559 QR zańnamalaryn buzýshyny ustady.
Sonyń ishinde 24 shetel azamaty shekarany buzǵany úshin, 17 shetel azamaty shekarany buzýǵa árekettengeni úshin ustalǵan.
Memlekettik shekara arqyly 996 zańsyz zat alyp ótý faktileriniń joly kesildi, onyń ishinde:
- 54 fakti – esirtki zattary, jalpy salmaǵy 60 kg joǵary;
- 20 fakti – atý qarýy men oq-dáriler (6 dana atý jáne 140 dana sýyq qarýy, 32 dana oq-dári);
- 63 fakti – dini ádebiet (3 078 dana);
- 330 fakti – jalpy somasy 8 mln teńgeden asatyn janar-jaǵarmai materialdary (38 101 litr);
- halyqtyq tutyný taýarlary – 429 fakti, jalpy somasy 1,4 mlrd teńgeden astam;
- shetel valiýtasy – 100 fakti, jalpy somasy 1 mlrd teńgeden astam.
Kaspii akvatoriiasynda 18 brakonerlik faktileriniń aldy alyndy, sondai-aq:
- 9,5 km tordy quraityn brakonerlik aýlaý quraldary;
- 109 dana (454 kg) bekire tuqymdas balyqtar;
- 39 dana (93 kg) taza tuqymdas balyqtar tárkilendi.
Aldy alynǵan zalal somasy 173,5 mln teńgeni quraidy.
Bul faktiler boiynsha materialdar buzýshylardy jaýapkershilikke tartý úshin quqyq qorǵaý jáne sot organdaryna jiberildi.
Memlekettik shekarada qandai da bir shekteý sharalary engizilgen joq, barlyq ótkizý pýnktteri shtattyq rejimde jumys isteýde.
