Osy jyldyń 27 aqpanynda «Nur Otan» partiiasynyń kezekti XVIII Sezi ótedi. Bul týraly partiia Tóraǵasynyń Birinshi orynbasary Máýlen Áshimbaev óziniń Facebook-tegi paraqshasynda jazdy.
Máýlen Saǵathanulynyń aitýynsha, aldaǵy 27 aqpan kúni «Nur Otan» partiiasynyń kezekti XVIII Sezi ótedi. Sezdi shaqyrý jónindegi qaýlyǵa búgin Elbasy, partiia Tóraǵasy N.Á.Nazarbaev qol qoiǵan.
«Kezekti Sezd partiianyń 20 jyldyǵyna orai uiymdastyrylyp otyr. Sezde partiianyń 2030 jylǵa deiingi jańa Baǵdarlamasyn talqylaý, partiia Jarǵysyna ózgertýler men tolyqtyrýlar engizý, partiialyq organdardyń esebin tyńdaý jáne partiia Saiasi keńesiniń quramyn jańartý josparlanýda. Atalǵan Sezdiń partiiamyzdyń 20 jyldyǵy aiasyndaǵy basty is-shara bolaryna jáne aldaǵy jyldardaǵy maqsat-mindetterdi anyqtap, bizdiń saiasi uiymnyń odan ári jańǵyrýyna tyń serpin beretinine senimimiz mol», – delingen jazbada.
