Biyl Aqordanyń ishki saiasi blogy belsendi túrde túrli toptarmen dialogtyq alańdardy online-offline túrinde qurýǵa kirisip ketti.
Ótkengi jyldyń jeltoqsan aiynda QMDB-na jańa Bas múftii bolyp Serikbai Oraz keldi.
Ony 5 kúnnen soń prezident qabyldap, dástúrli dindi durys nasihattaý máselelerin kótergen bolatyn. Ol kezdesýge prezident ákimshiliginiń basshylyǵy da qatysqan bolatyn. Bul kezdesýdi resmi BAQ barynsha mańyzdy etip berýge tyrysty.
Biylǵy jyldyń naýryz aiynyń 12-si kúni jiyrma jyldan astam ýaqyt boiy Jazýshylar odaǵyn basqarǵan Nurlan Orazalinnyń ornyna Ulyqbek Esdáýlet kelgen bolatyn.
Keńestik dáýirden beri shyǵarmashylyq ortanyń shoǵyry bolyp kele jatqan, ulttyq múddeni anyqtap, ony memlekettik saiasat retinde qalyptastyrýǵa áser etetin institýt bolyp tabylatyn odaqqa jáne onyń qurylymdaryna jas ári belsendi top keldi. Bul qadam keminde sońǵy 15 jyl isten shyǵyp turǵan institýtty iske qaita qosý bolyp tabylady.
Sáýirdiń 4-i kúni Darhan Káletaev Din isteri jáne azamattyq qoǵam ministri bolyp taǵaiyndaldy. Maýsym aiynyń sońynda Din isteri jáne azamattyq qoǵam ministrliginiń ataýy Qoǵamdyq damý ministrligi dep ózgertilgen bolatyn.
Belgili qoǵam qairatkeri, saiasattanýshy Aidos Sarym tamyzdyń 27-si kúni Qoǵamdyq damý ministriniń shtattan tys keńesshisi bolyp taǵaiyndalady. Ol oppozitsiialyq «Jańa Qazaqstan» forýmynyń uiymdastyrýshylarynyń biri ekeniń eskersek, bul taǵaiyndaý shyn mánińde de qoǵamdyq damýdyń faktorynyń biri bolsa kerek.
Maýsymnyń 5-i kúni qoǵam qairatkeri, «Qazaqstannyń demokratiialyq tańdaýy», «Alǵa» partiiasynyń burynǵy kóshbasshylarynyń biri Asylbek Qojahmetov «Qazaqstannyń Azamattyq aliansy» birlestiginiń prezidenti bolyp taǵaiyndaldy. Bul da azamattyq qoǵammen bailanysty kúsheitý úshin qabyldanǵan sheshim.
Asylbek Qojahmetov myqty uiymdastyrýshy retinde Úkimettik emes uiymdar menen bilik arasyndaǵy kópir rólin atqarýda. Jyl aiaǵyna josparlanyp otyrǵan Azamattyq forýmy da osynyń naqty kórsetkishi bolmaq.
Raýan Buǵybaev, saiasattanýshy
