Nursultan Nazarbaev Serbiia Respýblikasynyń Prezidenti Aleksandr Výchichpen kezdesti, dep habarlaidy "Ult aqparat" Aqordaǵa silteme jasap.
Saltanatty qarsy alý rásiminen keiin taraptar shaǵyn quramda eki jaqty qarym-qatynastar men halyqaralyq kún tártibiniń ózekti máselelerin talqylady.
Qazaqstan Prezidenti eki el arasyndaǵy ózara bailanystardyń dostyq sipatyn atap ótip, ony odan ári damytý qajettigin aitty.
– Prezident myrza, Ciz «EKSPO-2017» halyqaralyq kórmesine arnaiy kelip, bizge qoldaý kórsettińiz. Al, búgin VI álemdik jáne dástúrli dinder kóshbasshylarynyń sezine qatysý úshin Qazaqstanǵa resmi saparmen keldińiz. Munyń bári bizdiń elimizge degen sizdiń naǵyz dostyq nietińizdi bildiredi. Biz muny joǵary baǵalaimyz, – dedi Nursultan Nazarbaev.
Memleket basshysy eki jaqty ekonomikalyq qatynastardy ilgeriletý múmkindikterine arnaiy toqtaldy.
– Meniń Serbiiaǵa saparym barysynda qol jetkizilgen ýaǵdalastyqtarǵa sáikes logistika, kólik jáne kommýnikatsiia, qorǵanys ónerkásibi, aýyl sharýashylyǵy, farmatsevtika jáne qurylys salalarynda yntymaqtastyǵymyzdy keńeitý qajet. Sizdiń búgingi saparyńyz ózara yqpaldastyǵymyzdy jańa deńgeige kóterýge múmkindik beredi, – dedi Qazaqstan Prezidenti.
Kezdesý barysynda Nursultan Nazarbaev Qazaqstan Respýblikasy men Serbiia Respýblikasy arasynda dostyq pen yntymaqtastyqty jáne beibitshilikti nyǵaitýǵa qosqan úlesi úshin Aleksandr Výchichti I dárejeli «Dostyq» ordenimen marapattady.
A.Výchich Nursultan Nazarbaevqa qonaqjailyq kórsetip qarsy alǵany úshin jáne halyqaralyq arenada Serbiiaǵa jan-jaqty qoldaý bildirgeni úshin rizashylyǵyn jetkizip, Qazaqstan Prezidentin eń joǵary memlekettik deńgeidegi I dárejeli «Serbiia Respýblikasynyń Ordenimen» marapattady.
