Foto: "BORT №1"
Búgin Qazaqstannyń IýNESKO-ǵa múshe bolǵanyna – 30 jyl. Qasym-Jomart Toqaevtyń arhivtegi fotosy jariialandy, - dep habarlaidy "Ult aqparat" "BORT №1" Telegram-kanalyna silteme jasap.
"1992 jyly 22 mamyrda IýNESKO-ǵa múshe bolý týraly aktige qol qoiylǵannan keiingi Qasym-Jomart Toqaev pen IýNESKO-nyń Bas hatshysy Federiko Maiordyń birge túsken sýreti. IýNESKO tizimine engen elimizdiń alǵashqy nysany Qoja Ahmet Iassaýi kesenesi bolatyn", - delingen jazbada.
Aita keteiik, búginde Qazaqstandaǵy birqatar nysan IýNESKO-nyń álemdik muralar tizimine engen.
Mádeni nysandar:
Qoja Ahmet Iassaýi kesenesi, 2003 jyl;
Tamǵaly arheologiialyq landshafynyń petroglifteri, 2004 jyl;
Jibek joly: Chanan-Tian-Shan dáliziniń jelisi, 2014 jyl.
Tabiǵi nysandar:
Sary-Arqa – Soltústik Qazaqstan dalasy men kólderi, 2008 jyl;
Batys Tian-Shan, 2016 jyl.
