Aqorda Qazaqstan Prezidenti Nursultan Nazarbaev erteń, 3 qyrkúiekte Ózbekstanǵa barmaitynyn málimdep otyr, - dep habarlaidy kaz.tengrinews.kz tilshisi. Qazir Nazarbaev Qytaida júr.
Al BAQ-tar Qazaqstan Prezidenti Ózbekstanǵa erteń barady degen málimetti taratqan bolatyn.
"Biz bul málimetti rastamaimyz. Onyń ústine Memleket basshysy birqatar sharaǵa qatysady, onyń G2 forýmy aiasynda kezdesýleri josparlanǵan, forýmnyń ózine de qatysady. Qazirgi ýaqytta bizde mundai málimet joq ("Nazarbaev Ózbekstanǵa bara ma?" degen suraqqa jaýap - Avt.)", - dep málimdedi Aqordanyń baspasóz qyzmetindegiler.
"Prezident Ózbekstanǵa bara ma, joq pa?" degen naqtylaý suraǵyna jaýap bylai boldy:
"Kúmánymyz basym".
"Kúmándanasyzdar ma, álde joqqa shyǵarasyzdar ma?"
"Biz qazirgi ýaqytta Memleket basshysynyń G-20 aiasyndaǵy sharalardan ózge qandai da bir sapary týraly málimetti joqqa shyǵaramyz", - dep túsindirdi Aqorda ókilderi.
Aqordadaǵylar eger jospar ózgerip jatsa, bul týraly qosymsha habarlanatynyn aitty.
Eske salaiyq, 2 qyrkúiekte Ózbekstan úkimeti el prezidenti Islam Kárimovtiń aýyr jaǵdaida jatqanyn málimdegen bolatyn.
Al ózbek BAQ-tary Ózbekstan basshysyn jerleý rásimi Samarqanda ótetinin habarlap úlgerdi.
