Foto: Facebook / Mihail Kozachkov
Prezidenttiń baspasóz hatshysy Rýslan Jeldibai jýrnalist Mihail Kozachkovtyń ustalýyna qatysty pikir bildirdi, - dep habarlaidy "Ult aqparat".
Rýslan Jeldibai Prezident Qasym-Jomart Toqaevtyń atyna jýrnalist Mihail Kozachkovqa qatysty júrgizilip jatqan tergeý jumystaryna orai birqatar media qoǵamdastyq ókili úndeý joldaǵanyn atap ótti.
"Osyǵan bailanysty bul is Qazaqstan Respýblikasynyń zańnamasyna sáikes tek quqyq sheńberinde qaralýǵa tiis ekenin atap ótý qajet. Bas prokýratýra tergeýdiń zańdylyǵyn qadaǵalaýdy qamtamasyz etýge jáne zańnamada belgilengen tártippen qajetti túsiniktemeler berýge mindetti. Qazaqstan azamaty retinde jýrnalistiń barlyq zańdy quqyǵy tolyq saqtalýǵa tiis", - dedi Jeldibai.
Eske salaiyq, keshe tanymal jýrnalist Mihail Kozachkov ustalǵan bolatyn. Bul aqparatty Qarjylyq monitoring agenttigi rastady. Ol Kospaevtyń uiymdasqan qylmystyq tobyna reiderlik basyp alýlar jasaýǵa kómektesken degen kúdikke ilingen.
