Ustaz, bloger ári qoǵam belsendisi Aqmonshaq Nurtazaqyzy áleýmettik jelidegi úzilisten keiin qaita oraldy. Ol Instagram paraqshasynda jańasha kóńil kúimen, jańa joldyń aldynda turǵanyn málimdedi, dep habarlaidy Ult.kz.
«Bul jai paraqsha emes ekenin taǵy bir ret túsindim. Bul – meniń missiiam», – deidi ol.
Aqmonshaq Nurtazaqyzy bul úzilistiń ishki tynyshtyqty tabý, oi eleginen ótkizý jáne kelesi qadamdy nyq basý úshin qajet bolǵanyn aityp, óz oqyrmandaryna alǵys bildirdi. Sondai-aq, beinejazbasy arqyly Jeliden ketýine oqyrmandar tarapynan túsken syn ekenin moiyndady.
Ol ustazdardyń janyn túsinip, olarǵa demeý bolýdy, oqýshynyń únin estip, ata-anaǵa baǵyt berýdi, jańa urpaqpen shynaiy bailanys ornatýdy óziniń basty maqsaty dep atap ótti.
Jazbasynda ol jaqynda paraqshasynda bir jańalyq bolatynyn da isharamen jetkizdi.
Esterińizge sala keteiik, buǵan deiin Aqmonshaq Nurtazaqyzy mektep direktory qyzmetinen de, blogerlikten de ketemin dep málimdegen.
