Dárigerler Aqmola oblysynda AN-2 ushaǵynyń apatqa ushyraýynan zardap shekkenderdiń jaǵdaiy týraly aitty, dep habarlaidy "Ult aqparat".
«Zardap shekkenderdiń bireýi ashyq mi-bassúiek jaraqatymen Nur-Sultan qalasynyń temirjol aýrhanasyna jetkizildi, al ekinshi zardap shegýshi ashyq mi-bassúiek jaraqatymen jáne kúiikpen elordanyń travmotologiia jáne ortopediia ǵylymi-zertteý institýtyna jatqyzyldy», - dep túsindirdi Aqmola oblystyq densaýlyq saqtaý basqarmasynyń baspasóz qyzmeti.
Eske sala keteiik, búgin Aqmola oblysynda AN-2 ushaǵy apatqa ushyrady. Saldarynan ushqysh kóz jumyp, eki ekipaj múshesi túrli jaraqatpen aýrhanaǵa jetkizildi.
