Aqmola oblysynda jolǵa talasqan júrgizýshi ózge júrgizýshi men onyń jolaýshysyna pyshaq saldy. Politsiia kúdikti retinde Soltústik Qazaqstan oblysynyń 24 jastaǵy turǵynyn ustady, dep habarlaidy "Ult aqparat" oblystyq Politsiia departamentiniń baspasóz qyzmetine silteme jasap.
Vedomstvonyń málimetinshe, oqiǵa 9 naýryzǵa qaraǵan túni Granitnyi aýylynyń mańyndaǵy avtojolda bolǵan.
Tar jolda bir-birine jol bergisi kelmegen eki júrgizýshi men olardyń jolaýshylary arasynda janjal týyndap, sońy tóbeleske ulasady.
Saldarynan bir júrgizýshi ekinshi júrgizýshi men onyń jolaýshysyna pyshaq jaraqatyn salady.
Zardap shekken eki adam aýrýhanaǵa jetkizildi.
«Qazirgi kezde osy oqiǵa bailanysty Qylmystyq kodekstiń 106 baby boiynsha tergeý amaldary júrgizilýde. Kúdiktige qatysty protsessýaldyq bultartpaý sharasy tańdaldy», - dedi vedomstvodan.
