اقمولا وبلىسىندا جولعا تالاسقان جٷرگٸزۋشٸ ٶزگە جٷرگٸزۋشٸ مەن ونىڭ جولاۋشىسىنا پىشاق سالدى. پوليتسييا كٷدٸكتٸ رەتٸندە سولتٷستٸك قازاقستان وبلىسىنىڭ 24 جاستاعى تۇرعىنىن ۇستادى, دەپ حابارلايدى "ۇلت اقپارات" وبلىستىق پوليتسييا دەپارتامەنتٸنٸڭ باسپاسٶز قىزمەتٸنە سٸلتەمە جاساپ.
ۆەدومستۆونىڭ مەلٸمەتٸنشە, وقيعا 9 ناۋرىزعا قاراعان تٷنٸ گرانيتنىي اۋىلىنىڭ ماڭىنداعى اۆتوجولدا بولعان.
تار جولدا بٸر-بٸرٸنە جول بەرگٸسٸ كەلمەگەن ەكٸ جٷرگٸزۋشٸ مەن ولاردىڭ جولاۋشىلارى اراسىندا جانجال تۋىنداپ, سوڭى تٶبەلەسكە ۇلاسادى.
سالدارىنان بٸر جٷرگٸزۋشٸ ەكٸنشٸ جٷرگٸزۋشٸ مەن ونىڭ جولاۋشىسىنا پىشاق جاراقاتىن سالادى.
زارداپ شەككەن ەكٸ ادام اۋرۋحاناعا جەتكٸزٸلدٸ.
«قازٸرگٸ كەزدە وسى وقيعا بايلانىستى قىلمىستىق كودەكستٸڭ 106 بابى بويىنشا تەرگەۋ امالدارى جٷرگٸزٸلۋدە. كٷدٸكتٸگە قاتىستى پروتسەسسۋالدىق بۇلتارتپاۋ شاراسى تاڭدالدى», - دەدٸ ۆەدومستۆودان.
