Aqmola oblysynyń turǵyny azamattyq nekedegi áielin óltirdi degen kúdikke ilindi, - dep habarlaidy "Ult aqparat" Polisia.kz portalyna silteme jasap.
Politsiia málimetinshe, 28 mamyrda Bulandy aýdandyq politsiia bólimine aýyldyq dárigerlik ambýlatoriianyń feldsherinen jedel meditsinalyq kómek kórsetý boiynsha shaqyrtýǵa shyqqanda bet jaǵynda gematomasy bar áiel adamnyń máiiti tabylǵany týraly telefon habarlamasy kelip túsken.
"Oqiǵa ornyna dereý jedel-tergeý toby keldi. Marqumnyń jeke basy anyqtaldy, ol 44 jastaǵy jergilikti turǵyn bolyp shyqty. Sot-meditsinalyq saraptama taǵaiyndaldy.
Jedel-tergeý is-sharalary barysynda politsiia qyzmetkerleri kúdiktini anyqtady, ol qaitys bolǵan áielmen azamattyq nekede turatyn 39 jastaǵy er adam bolyp shyqty", - dedi jergilikti politsiia.
Bul derek boiynsha Bulandy APB QR QK-niń 106-babynyń 3-bóligi (Abaisyzda adam ólimine ákep soqqan, densaýlyqqa qasaqana aýyr ziian keltirý) boiynsha sotaldy tergeýdi bastady. Kúdikti qamaýǵa alyndy. Ózge aqparat QR QIJK-niń 201-baby boiynsha jariia etilmeidi.
