Sýret ashyq derekkózden alyndy
Aqmola oblysy qurylys basqarmasy basshysynyń orynbasary 8 jylǵa sottaldy, - dep habarlaidy "Ult aqparat" Sybailas jemqorlyqqa qarsy is-qimyl agenttiginiń baspasóz qyzmetine silteme jasap.
Vedomstvo málimetinshe, Kókshetaý qalalyq soty úkimimen Aqmola oblysy qurylys basqarmasy basshysynyń orynbasary M.Qanseiitov kináli dep tanylyp, ómir boiy memlekettik qyzmette qyzmet atqarý quqyǵynan shektelip, 8 jylǵa bas bostandyǵynan aiyrylǵan.
Sot úkimimen "Sarapshy Arsenal" JShS quryltaishysy B.Shaimerdenov 7,5 jylǵa, "Kókshestroi Tehnadzor" JShS tehnikalyq qadaǵalaý injeneri O.Renn 7 jylǵa bas bostandyǵynan aiyryldy.
Olarǵa memlekettik qyzmette 5 jyl merzimge qyzmet atqarý quqyǵynan aiyrý túrindegi jaza qoldanyldy.
"Tergeý barysynda sottalǵandardyń Shýchinsk qalasynda júz páterlik turǵyn úi salýǵa bólingen 50,5 million teńge kóleminde qurylys montajdaý jumystary naqty oryndalmaǵany úshin biýdjet qarajatyn urlaǵany dáleldendi", - delingen habarlamada.
Úkim zańdy kúshine engen joq.
