Aqmolada turǵyn balasyna 13 jyldan beri aliment tólemegen, dep habarlaidy "Ult aqparat" Polisia.kz resýrsyna silteme jasap.
Biylǵy jyldyń 8 shildesinde politsiiaǵa Kókshetaý qalasynyń 45 jastaǵy turǵyny aryz bergen.
Áiel óziniń burynǵy kúieýi 2008 jyldan beri balalardy asyraýǵa qarajat tólemei kelgenin aitty.
Ótinish bergen sátte aliment boiynsha bereshek - 2 259 656 teńge boldy.
Tártip saqshylary Krasnyi Iar aýylynda aliment tólemei júrgen turǵynnyń naqty mekenjaiyn anyqtady.
Qazirgi ýaqytta atalǵan fakti boiynsha QR QK 139-babynyń 1-bólimimen sotqa deiingi tergeý júrgizý bastaldy.
Er adamǵa qatysty qolhatpen bosatý protsessýaldyq májbúrleý sharasy tańdaldy.
Aqmola politseileri aliment tólemeitinderdi izdeý jumysyn jalǵastyryp otyr.
Búgingi kúni Aqmola oblysy boiynsha izdestirý jariialanǵan aliment tólemeýshilerdiń tiziminde 23 adam bar.
