Aqmola óńiriniń kieli jerleri taǵy 3 jańa nysanmen tolyqty. Olardyń qatarynda, jalpyulttyq mańyzy bar «Toǵyz áýlie» men aimaqtyq mańyzy bar «Ańǵal batyrdyń jerlengen jeri», «Qabyl batyr mazary» bar.
Tarihi derekter boiynsha, Ańǵal batyr 1770 jyly dúniege kelgen. Ol Kenesary hannyń eń tańdaýly izbasarlarynyń biri bolǵan. 1867 jyly dúnieden ótken batyr baba Birjan Sal aýdanyndaǵy Ańǵal batyr aýylynyń soltústiginen 3 shaqyrymdai jerde jerlengen. Al, jańa ekinshi kieli jer «Toǵyz áýlie» ziraty elordadan 150 shaqyrym jerde Astrahan aýdanynda ornalasqan. Ol jerde otyzǵa jýyq qajylar jerlengen deidi mamandar.
«Toǵyz áýlie kesenesi boiynsha Astarahan aýdanynyń ákimine hat jazdyq. Mańaiy qorshalmaǵan. Sondyqtan, birinshi rette qorshap mal baspaityndai etip, jumystar júrgizemiz», - deidi oblystyq tarihi-mádeni murany qorǵaý jáne paidalaný ortalyǵynyń direktory Berik Sapanov.
Qabyl Bostanov mazary jańadan tabylǵan 3-shi kieli jer. Qabyl batyr Qazaq handyǵynyń sońǵy hany Kenesary Qasymulynyń basshylyǵymen úsh júzdi qamtyǵan patsha úkimetine qarsy iri kúrestiń qatysýshysy. Áskeri keńesshilerdiń biri bolǵan.
«Endi ol jerlerge jol máselesi, týriterdi tartý jumystary júrgiziledi. Birinshiden, halyqqa túsindirý ishn QR-kodtar uiymdastyrý, bannerlermen qamtamasyz etý. Sol jerlerge jol nusqaýlyqtaryn, belgilerin qoiý jumystaryn atqaramyz. Olardy jol kartasyna engizý úshin infrastrýktýrasyn zertteý kerek», - deidi Berik Sapanov.
Oblystyq tarihi-mádeni murany qorǵaý jáne paidalaný ortalyǵynyń ókilderi osy jańa nysandar tabylǵansha óńirdegi kieli jerlerdiń sany 43 bolatyn. Endi olardyń qatary, «Toǵyz áýlie», «Ańǵal batyr» jáne «Qabyl batyr» zirattarymen tolyǵyp, búginde Aqmola oblysynda 11 jylpyulttyq jáne 35 aimaqtyq kieli jer bar.
