WhatsApp arqyly qarjy piramidasyn qurǵan Aqmola oblysynyń 48 jastaǵy turǵyny ustaldy, dep habarlaidy oblystyq Politsiia departamentiniń baspasóz qyzmeti.
Vedomstvonyń málimetinshe, alaiaq áiel týraly politsiiaǵa 65 jastaǵy jábirlenýshi habarlasyp aitqan. Alaiaq onyń 63 myń teńgesin jymqyrǵan. Keiinirek politseiler 20-dan astam adam alaiaqtan qurban bolǵanyn, al jalpy keltirilgen shyǵyn somasy 70 million teńgeni quraǵanyn anyqtady.
«Jedel izdestirý sharasy barysynda politsiia Kókshetaýdyń 48 jastaǵy turǵynyn anyqtady. Ol Aqtaý, Jańaózen, Nur-Sultan, Pavlodar qalalarynan kelgen 20-ǵa jýyq adamdy san soqtyrǵan. Áiel óz kinásin moiyndady», - dedi vedomstvodan.
Politsiia qyzmetkerleri atap ótkendei, jábirlenýshiler sany budan da kóp bolýy múmkin. Sondyqtan tártip saqshylary osyǵan uqsas alaiaqtyqtan zardap shekkender bolsa, politsiia bólimderine júginýdi nemese «102» arnaiy jelisine qońyraý shalýdy suraidy.
