Aqmola politseileri júk kóligin aidap áketken 25 jastaǵy aqmolalyqty qýýǵa májbúr boldy, dep habarlaidy "Ult aqparat" oblystyq politsiia departamentiniń baspasóz qyzmetine silteme jasap.
Vedomstvonyń málimetinshe, mamyrdyń 3-de tańerteń Kókshetaý qalasy politsiia basqarmasynyń kezekshi bólimine Krasnoiar aýylynyń turǵyny júk kóligin belgisiz bireýdiń aidap áketkenin aityp kómek suraǵan. Kólik iesine keltirilgen shyǵyn kólemi 500 000 teńgeni qurady.
«Politsiia qyzmetkerleri qylmystyń túnde jasalǵanyn anyqtady. Kúdikti úidiń janynda turǵan «ZIL» markaly avtokóligin aidap áketken. Patrýldik politsiia jáne jergilikti atqarý organdarynyń qyzmetkerleri jedel izdestirý sharasy barysynda beinebaqylaý kamerasy arqyly kólikti anyqtady. Kúdikti qýdalaý kezinde kólikti toqtatý týraly zańdy talapty oryndamady», - dedi vedomstvodan.
Birneshe saǵattan keiin «Ásker-1» patrýldik politsiiasy ekipajynyń qyzmetkerleri leitenant Darhan Bopiev pen leitenant Oljas Tileýov «Rýzaevka – Kókshetaý» avtojolynyń 3 shaqyrymynda urlanǵan kólikti toqtatty. Kólik ishinde 25 jastaǵy qaskúnemnen bólek, onyń anasy bolǵan.
«Qazirgi kezde osy jaǵdaiǵa bailanysty Qylmystyq kodekstiń 200-babynyń 1-bóligi «Avtomobildi zańsyz ielený» boiynsha sotqa deiingi tergeý bastaldy. Sondai-aq mas kúiinde kólik quralyn júrgizgeni jáne politsiia qyzmetkeriniń talaptaryn oryndamaǵany úshin ákimshilik hattamalar toltyryldy», - dep tolyqtyrdy vedomstvodan.
