Aqmola, Atyraý jáne Qyzylorda oblystarynda anyqtalǵan koronavirýs indetine shaldyǵýdyń jańa oqiǵalary týraly málimet berildi, dep habarlaidy "Ult aqparat" coronavirus2020.kz-ke silteme jasap.
15 sáýir, saǵat 12.30-daǵy sońǵy málimet boiynsha, Qazaqstanda indetke shaldyqqandardyń jalpy sany 1275 adamǵa jetti. Onyń ishinde Aqmola oblysynda – 1, Qyzylorda oblysynda – 2 jáne Atyraý oblysynda 1 oqiǵa bar.
«Aqmola oblysynda anyqtalǵan naýqas Tselinograd aýdany, Aqqaiyń aýylynda ornalasqan «Shapaǵat« áleýmettik qyzmet kórsetý ortalyǵynyń qamqorlyǵyndaǵy 1941 jylǵy er adam. Atalǵan mekemede KVI juqtyrý jaǵdailary buǵan deiin de anyqtalǵan edi. Naýqas Arshaly aýdandyq aýrýhanasynyń provizorlyq statsionarynda karantinde bolǵan», - delingen aqparatta.
Qyzylorda oblysynda indetti juqtyrǵandardyń ekeýi de Qyzylorda qalasynyń turǵyndary. Bekitilgen algoritmge sáikes, analiz alynyp, olar oń nátije kórsetti. Ekeýi de juqpaly aýrýlar aýrýhanasyna jatqyzyldy.
Atyraý oblysyndaǵy jańa oqiǵa 42 jastaǵy jergilikti turǵynnan anyqtaldy.
Ol KVI juqtyrǵan adammen bailanysta bolǵan.
«Er adam infektsiialyq statsionarǵa jatqyzyldy. Jaǵdaiy - qalypty. Oǵan hattamaǵa sáikes em sharalary júrgizilýde», - delingen málimette.
