Aqmola oblysynda koronavirýs juqtyrǵan 1936 jylǵy adam qaitys boldy. Bul týraly oblystyq densaýlyq saqtaý basqarmasy habarlady.
Marqum - Aqmola oblysy Tselinograd aýdany Aqqaiyń aýylyndaǵy "Shapaǵat" qarttar úiiniń turǵyny. Ol 5 sáýirden bastap Kókshetaý qalasy temirjol aýrýhanasynyń provizor stantsionarda karantinde bolǵan. 9 sáýirde Aqmola oblysy týberkýlezge qarsy dispanserge jatqyzylyp, jasandy demalý apparatyna qosylǵan. Oǵan pnevmoniia diagnozy qoiylǵan. Marqum buryn arterialdy gipertenziia, ókpe jáne júrek aýrýymen esepte turǵan.
Aqmola oblysyndaǵy "Shapaǵat" qarttar úiinde 2 sáýirde 73 jastaǵy er adam, 6 sáýirde 91 jastaǵy áiel adam qaitys bolǵan.
Osylaisha, Qazaqstanda COVID-19 dertinen 12 adam qaitys boldy. 13 sáýirde Shyǵys Qazaqstan oblysynda 49 jastaǵy áiel adam kóz jumǵan. ShQO densaýlyq saqtaý basqarmasynyń málimetinshe, áiel adam 12 sáýirde aýyr jaǵdaida provizor statsionaryna jetkizilip, intensivti terapiia palatasyna jatqyzylyp, jasandy demalý apparatyna qosylǵan. Naýqasta COVID-19 dertinen bólek, "ekijaqty pnevmoniia, plevrit jáne alkogoldan ýlanǵany" anyqtalǵan.
"Túnde eki ret júregi toqtap, dárigerler júrek soǵysyn qalpyna keltirdi. Biraq úshinshi ret toqtaǵanda em-dom sharalarynan nátije shyqpady" dedi ShQO densaýlyq saqtaý basqarmasynyń bastysy Iliias Muqamedjan.
Qazir ShQO oblysynda qaitys bolǵan marqummen bailanysta bolǵan 13 adam oqshaýlanǵan.
Qazaqstan densaýlyq saqtaý ministrligi 13 sáýir 14:30-daǵy málimeti boiynsha, elde taǵy alty adamnan koronavirýs tabyldy: tórteýi Nur-Sultanda, al ShQO men SQO-da bir-bir adam.
Qazir elde 979 adamǵa juqty. 110 naýqas dertten aiyqty.
