Aqmola oblysynda jumysshylar mingen avtobýs órtenip ketti, adamdar zardap shekken joq, dep habarlady ishki ister departamenti baspasóz qyzmeti.
Oqiǵa 13 sáýirde Kókshetaýǵa kirer jolda 23:00 kezinde bolǵan. "Kókshe-Tsement" AQ avtobýsy jumysshylarmen Birjan Sal aýdany Zaozernyi aýylynan kele jatqan. Avtobýsta 25 jolaýshy men bir júrgizýshi bolypty.
Jol-patrýldik politsiia qyzmetkerleri jolaýshylardy birden evakýatsiialap, qutqarý qyzmetine habar berdi.
"Atqarylǵan sharalar nátijesinde órt aýyzdyqtalyp, júrgizýshi men jolaýshylar zardap shekken joq. Bastapqy málimet boiynsha, órtke elektr symynyń qysqasha tuiyqtalýy sebep bolǵan. Tekserý júrgizilip jatyr", — dep habarlady IID.
Áleýmettik jelilerde oqiǵanyń videosy paida boldy. Politsiia jazbada Aqmola oblysyndaǵy avtobýs órti túsirilgenin rastady.
