Aqmola oblysynda jolda qalǵan Tájikstan Respýblikasynyń 29 azamaty qutqaryldy, dep habarlaidy oblystyq TJD baspasóz qyzmeti.
Vedomstvonyń málimetinshe, Býrabai aýdanynyń aýmaǵynda «Nur-Sultan-Petropavl» kúre jolynyń boiynda «Setra» jolaýshylar avtobýsy tehnikalyq aqaýlarǵa bailanysty isten shyǵyp, toqtaýǵa májbúr bolǵan.
«Avtobýs Tájikstannan Reseidiń Súrgit qalasyna baǵyt alǵan. Kólik ishinde barlyǵy 26 jolaýshy men 3 júrgizýshi boldy. Jolaýshylardyń barlyǵy Tájikstan azamattary, olardyń tórteýi áiel de, bireýi bala. Aralarynda zardap shekkender joq. Avtobýsta bolǵan jolaýshylar ekige bólinip, «Shýchinsk qalasyndaǵy joǵary tehnikalyq kolledjiniń №13 jáne «Jalpy tiptegi mektep inernatynyń jataqhanalaryna jaiǵastyryldy. Eshqaisysyna meditsinalyq kómek qajet bolǵan joq», dep málim etti Býrabai aýdandyq TJB bastyǵy mindetin atqarýshy Qanat Babaev.
