Aqmola oblysynda «Nur-Sultan - Qabanbai batyr-Kievka» tas jolynda eki kólik betpe bet soqtyǵysyp, 3 adam kóz jumdy, dep habarlaidy QazAqparat.
Oblystyq PD baspasóz qyzmetiniń málimetinshe, jol apaty aqpannyń 13-inde «Nur-Sultan - Qabanbai batyr-Kievka» tas jolynyń 19 shaqyrymynda oryn alǵan.
«Anyqtalǵandai, elordanyń 37 jastaǵy turǵyny basqarǵan «Јas» kóligi Qosshy qalasynan shyǵyp, Abai kóshesiniń boiymen Nur-Sultan qalasy baǵytynda júrip kele jatqan. Osy kezde astanalyq basqarǵan «Lada Priora» kóligi joldyń qarsy baǵytyna shyǵyp ketken. Saldarynan eki kólik betpe bet soqtyǵysyp, «Lada Priora» avtokóliginiń júrgizýshisi men eki jolaýshysy (astanalyqtar) oqiǵa ornynda kóz jumdy. Al, «Јas» avtokóliginiń 37 jastaǵy júrgizýshisi túrli dene jaraqatymen elordanyń meditsinalyq mekemesine jetkizildi», - dedi vedomstvonyń baspasóz qyzmetindegiler.
Qazirgi kezde osy oqiǵaǵa bailanysty Qylmystyq kodekstiń 345-babynyń 4-bóligi boiynsha sotqa deiingi tergeý amaldary júrgizilýde.
